Island
ރަށާއި ބެހޭ މައުލޫމާތު
ރަށުގެ ތާރީޚާއި، ޖިއޮގްރަފީ އަދި މުހިންމު މައުލޫމާތުތައް.
ޖުމްލަ އާބާދީ
1,000
ރަށުގެ ބޮޑުމިން
87.5 Hec
ގޭބިސީ
225
ވިޔަފާރި
42
ރަށުގެ ތަޢާރަފް
ށ. ބިލެއްފަހި: ތާރީޚާއި، ގުދުރަތީ ރީތިކަމާއި، އެއްބައިވަންތަކަމުގެ ނަމޫނާ
ތަޢާރަފް
މިލަދުންމަޑުލު އުތުރުބުރީ (ށ. އަތޮޅު) ގެ އިރުމަތީ ބިތުގައި އޮންނަ ބިލެތްފައްސަކީ ފާހަގަކޮށްލެވޭ މުއްސަނދި ތާރީޚެއްގެ އިތުރުން، އާދަޔާޚިލާފު ހިތްގައިމު ގުދުރަތީ ރީތިކަމެއް ލިބިފައިވާ، ހަލުވިކަމާއެކު ތަރައްގީވަމުންދާ ރަށެކެވެ. މަސައްކަތްތެރި، އެކުވެރި އަދި މެހެމާންދާރީއަށް ލޯބިކުރާ ރައްޔިތަކު ދިރިއުޅެމުންދާ މި ރަށަކީ އަތޮޅުގެ މުހިންމު އިގްތިސާދީ އަދި އިޖުތިމާއީ މަރުކަޒެކެވެ.
ޖިއޮގްރަފީ އަދި ގުދުރަތީ ސިފަތައް
ށ.ބިލެތްފައްސަކީ ރާއްޖޭގެ އުތުރުން މިލަދުންމަޑުލު އުތުރުބުރީގައި އޮންނަ، ޖިއޮގްރަފިކަލް ކޯއޯޑިނޭޓްސް N 72°58'32" ,E"20′20°06″ ގައި އޮންނަ، ގުދުރަތީގޮތުން ފާހަގަކޮށްލެވޭ ބޮޑު އަދީ ދިގު ރަށެކެވެ. ރާއްޖޭގެ ވެރިރަށް މާލެއާއި ގާތްގަނޑަކަށް 246 ކިލޯމީޓަރު އުތުރުގައި އޮންނަ މިރަށުގެ ދިގުމިނުގައި 1.92 ކިލޯމީޓަރު އަދި ފުޅާމިނުގައި 0.63 ކިލޯމީޓަރު ހުރެއެވެ. ބިލެތްފަހީގެ ވަށައިގެން އޮންނަ ފުޅާ، ސާފު ނޫކުލައިގެ ފަޅަކީ ރަށުގެ ގޮނޑުދޮށްތައް ހިމާޔަތްކޮށްދޭ ގުދުރަތީ އައްޑަނައަކަށް ވާއިރު، ރަށާ އެންމެ ގާތުން އޮންނަ ހައުސް ރީފަކީ، ތަފާތު ކުލަކުލައިގެ މަސްމަހާމެއްސާއި، މޫދުގެ އެކިތަފާތު ދިރުންތަކުން ފަރުގެންވާ، އަޖައިބު ކުރަނަވި މަންޒަރުތަކުން މުއްސަނދިކަން ގެނެސްދޭ ރީތި މާހައުލެކެވެ. ރަށުގެ އެތެރޭގެ ބިމަކީ ދިވެހި ރުއްތަކާއި ދިއްގާ ފަދަ ގަސްތަކުން ފެހިކަން ގަދަ، ދަނޑުވެރިކަމާއި ވަޑާންކުރުމަށް އެކަށީގެންވާ ފަސްގަނޑެއް ލިބިފައިވާ ތަނެކެވެ. މި ހިތްގައިމު ސިފަތަކުގެ ސަބަބުން، ހަލަބޮލިކަމެއް ނެތް އަމާން މާހައުލެއްގައި ގުދުރަތީ ރީތިކަން ތަޖުރިބާކޮށްލަން ބޭނުންވާ ފަރާތްތަކަށް މިއީ ވަރަށް ފުރިހަމަ މަންޒިލެކެވެ.
އިގްތިސާދާއި އާމްދަނީ
ބިލެެތްފަހީގެ އިގްތިސާދު މައިގަނޑު ގޮތެއްގައި ބިނާވެގެންވަނީ އަންނަނިވި ދާއިރާތަކުގެ މައްޗަށެވެ:
• ކިއްސަރި ވަޑާން: ބިލެތްފައްސަކީ ޒަމާނުއްސުރެ ފާހަގަކޮށްލެވޭ ކަމަށް ގާބިލު ކުޅަދާނަ ވަޑިންތަކެއް އުޅޭ ރަށެކެވެ. ފުޅާދާއިރާއެއްގައި އެކި އޮޑިދޯނިފަހަރު ބަނުމާއި މަރާމާތްކުރުމުގެ މަސައްކަތް ކުރެއެވެ. ބޮޑެތި މުދާ އުފުލާ ދޯނިފަހަރާއި ސަފާރީތައް ބަނދެ، މަރާމާތް ކުރުމަށް ގާބިލު ވަޑިން މި ރަށުގައި އުޅެއެވެ.
• ފަތުރުވެރިކަން: ރަށާ ކައިރީގައި ހުރި ރިސޯޓުތަކުގެ ސަބަބުންނާއި، ރަށުގައި ފުޅާވަމުންދާ ލޯކަލް ޓޫރިޒަމް (ގެސްޓްހައުސް ވިޔަފާރި) ގެ ސަބަބުން ގިނަ ޒުވާނުންތަކެއް ދަނީ މި ދާއިރާއިން އާމްދަނީ ހޯދަމުންނެވެ.
• ވިޔަފާރިއާއި އަމިއްލަ މަސައްކަތް: ބިލެތްފައްސަކީ އަތޮޅުގެ ނިސްބަތުން ފާހަގަކޮށްލެވޭ ވިޔަފާރީގެ މަރުކަޒެކެވެ. ފިހާރަތަކާއި، ކެފޭ/ރެސްޓޯރަންޓުތަކުގެ އިތުރުން އުމްރާނީ މަސައްކަތްތަކުގައި ރަށުގެ ގިނަ ބަޔަކު ހަރަކާތްތެރިވެއެވެ.
އިޖުތިމާއީ ޚިދުމަތްތައް
ރަށުގެ ރައްޔިތުންނަށާއި ރަށަށް ޒިޔާރަތްކުރާ ފަރާތްތަކަށް ބޭނުންވާ އަސާސީ އަދި އިޖުތިމާއީ ޚިދުމަތްތައް ރަށުން ލިބެންހުރެއެވެ:
• ތަޢުލީމު: ފައުންޑޭޝަން ލެވެލްއިން ފެށިގެން ސާނަވީއާ (ގްރޭޑް 10) ހަމައަށް ބިލެތްފަހީ އިސްކޫލުން ކިޔަވައިދެއެވެ.
• ޞިއްޙަތު: ބޭސިކް ހެލްތް ކެއާ އަދި އާންމު ބަލިތަކަށް ފަރުވާދޭ ބިލެތްފަހީ ހެލްތް ސެންޓަރުން 24 ގަޑިއިރު ޚިދުމަތް ފޯރުކޮށްދެއެވެ.
• ޒުވާނުންނާއި ކުޅިވަރު: ރަށުގެ ޒުވާނުންގެ ހުނަރުވެރިކަން އިތުރުކުރުމަށާއި ދުޅަހެޔޮކަންމަތީ ބޭތިއްބުމަށްޓަކައި ޒަމާނީ ފުޓްސަލް ދަނޑެއްގާއިމުކުރެވިފައިވެއެވެ. މީގެ އިތުރުން ރިކްރިއޭޝން ހަބް އަދި އައުޓް ޑޯރ ޖިމެއް އެޅުމުގެ މަސައްކަތް މިހާރު ކުރިޔަށް އެބަ ދެއެވެ.
ސަގާފަތާއި ރައްޔިތުން
ބިލެތްފަހީ ރައްޔިތުންނަކީ އެކުވެރި، އެއްބައިވަންތަ، އަދި އިޖުތިމާއީ ކަންކަމުގައި އިސްނަގައިގެން ބައިވެރިވާ ބަޔެކެވެ. އީދުތަކާއި އެކި މުނާސަބަތުތަކުގައި ރަށުގެ އެންމެން ގުޅިގެން ބާއްވާ ސަގާފީ ހަރަކާތްތަކާއި، ކުޅިވަރުތަކަކީ މި ރަށުގެ ދިރުމެވެ. ރަށަށް އަންނަ މެހެމާނުންނަށް ރަށުގެ ރައްޔިތުން ބަހައްޓާ ގާތްކަމާއި ދޭ މެހެމާންދާރީއަކީ މިރަށުގެ ރައްޔިތުންގެ ކިބައިގައި ހުންނަ ހާއްސަ ސިފައެކެވެ.
ކައުންސިލްގެ އަމާޒު
އިޤްތިޞާދީގޮތުން ފުދުންތެރި، ސިއްހީގޮތުން ދުޅަހެޔޮ، ތަޢްލީމީގޮތުން ކުރިއަރާފައިވާ އަދި އިސްލާމީ އުސޫލުތަކަށް ލޯނިކުރާ ރައްޔިތަކު ދިރިއުޅޭ، ޤާނޫނާއި ޤަވަޢިދަށް ހުރުމަތްތެރިކޮށްހިތާ އަމަން އަމާންކަންމަތީ އުޅެވޭނެ، ތަރައްޤީގެ ގޮތުން ކުރިއަރާފައިވާ ރަށަކަށް ހެދުމެވެ.
ޖިއޮގްރަފީ
އަތޮޅުށ
ދުރުމިން (މާލެ)246km
ކޯޑިނޭޓްސްN 72°58'32" ,E"20′20°06″
ރަށުގެ ލޮކޭޝަން
އިދާރާތަކާއި މުހިންމު ތަންތަން
އިދާރާ
ކައުންސިލްގެ އިދާރާ
ޗާންދަނީ މަގު
6540047
info@bilehfahi.gov.mv
އިދާރާ
ސިއްޙީ މަރުކަޒު
ރޯޝަނީ މަގު
6540503
sh.bilehfahihc@health.gov.mv
އިދާރާ
މެޖިސްޓްރޭޓް ކޯޓު
ޗާންދަނީ މަގު
6540571
info@sh-bileffahi.court.gov.mv
އިދާރާ
ބިލެތްފަހީ ސްކޫލް
ސޯސަން މަގު
6540580
admin@bileffaheeschool.edu.mv
ރަށުގެ ޖަމްއިއްޔާތައް
ރަށުގެ ތަރައްގީއާއި އިޖުތިމާއީ ކަންކަމުގައި ހަރަކާތްތެރިވާ ޖަމްއިއްޔާތައް.
ކްލަބް އެންސީ
9636058
ބިލެތްފަހީ ޒުވާނުންގެ ޖަމިއްޔާ
7904030
bzj_jamiyya@hotmail.com
އ
އެސޯސިއޭޝަން ފޯ ބިލެތްފަހީ ޔޫތް ޑިވެލޮޕްމަންޓް
7909316
abydevelopment@gmail.com